SUGENG RAWUH WONTEN ING BLOG MEDIA PEMBELAJARAN BASA JAWI KANGGE SMP KELAS VII

HALAMAN UTAMA


SUGENG PEPANGGIHAN Wonten  ing

MEDIA PEMBELAJARAN BERBICARA RAGAM KRAMA


KANGGE SISWA SMP KELAS VII


PANDUAN


Kompetensi,SK, KD, ugi Indikator

Kompetensi: Berbicara

 

Standar Kompetensi:

Mampu mengungkapkan pikiran, pendapat, gagasan dan perasaan secara lisan melalui berbicara, bertelepon dan berdialog dalam berbagai ragam bahasa Jawi dengan unggah-ungguh basa yang sesuai.

 

Kompetensi Dasar: Berdialog

Indikator:

1.Siswa dapat berdialog menggunakan basa Ngoko dengan teman sebaya.

2.Siswa dapat berdialog menggunakan basa Krama dengan orang yang lebih tua.


Ragam Ngoko: Pangertosan, Tuladha saha Titikanipun





Ragam Ngoko



Pangertosan Ragam Ngoko 

Unggah-ungguh basa Jawi saged dipunperang dados kalih inggih menika ragam Ngoko kaliyan ragam Krama. Miturut Wibawa dkk (2004: 49), Ragam Ngoko inggih menika wujud unggah-ungguhing basa Jawi kanthi ngginakaken tembung-tembung Ngoko. Mekaten ugi ater-ater, seselan, tuwin panambangipun inggih Ngoko. Wonten malih pangertosan ragam Ngoko saking Baoesastra DJawi (1939: 422), Ngoko kn: tanpa tata basa (pakoermatan) toemrap oenggah-oenggoehing basa (tetemboengan). Pamanggih sanesipun ragam Ngoko inggih menika ragam basa Jawi ingkang namung ngangge leksikon utawa kosakata Ngoko, mekaten ugi kaliyan afiks-ipun  ngangge afiks Ngoko (tuladhanipun di-, -e, lan –ake) (Sasangka, 2006: 94).

Ragam Ngoko menika wonten warni kalih, Ngoko Lugu lan Ngoko Alus. Ragam Ngoko Lugu inggih menika wujud unggah-ungguhing basa Jawi ingkang sadaya tembung-tembungipun ingkang rinonce ing ukara ngginakaken Ngoko sarta babarpisan mboten dipunlebeti tembung Krama Lugu, Krama Alus, utawi tembung Madya. Tembung-tembung Ngoko mekaten wau dipunterapaken dhateng tiyang gineman (01), ingkang dipunajak gineman(02), utawi ingkang dipunrembag (03) (Wibawa dkk. 2004: 49).

 Ragam Ngoko alus inggih menika unggah-ungguhing basa Jawi ingkang pangroncenipun ukara mboten namung ngginakaken tembung-tembung ngoko kemawon, ananging ugi ngginakaken tembung Krama utawi Krama Alus (Wibawa dkk. 2004: 50). Saking pangertosan ragam ngoko wonten ing nginggil menika saged dipunpendhet katrangan bilih ragam Ngoko tembung-tembung, ater-ater, seselan ugi panambangipun ngginakaken ragam Ngoko sadaya. Wonten Ngoko Alus menika boten namung ngginakaken tembung Ngoko, ananging ugi ngginakaken tembung Krama. Tembung Krama wonten ing ukara Ngoko Alus menika namung dipunginakaken kangge raos kurmat kemawon dhumateng tiyang ingkang langkung sepuh menapa langkung dipunkurmati.

 

Tuladha Ngoko Lugu ugi Ngoko Alus



Ragam Krama: Pangertosan, Tuladha saha Titikanipun


Ragam Krama

Pangertosan  Ragam Krama

Pangertosan ragam Krama, inggih menika Unggah-ungguhing basa Jawi ingkang ngginakaken tembung Krama kangge gineman utawi wawan pangandikan. Ater-ater, seselan tuwin panambang ingkang dipunginakaken inggih ragam Krama. Wonten cak-cakanipun ragam Krama menika wonten werna kalih inggih menika Krama Lugu tuwin Krama Alus (Wibawa, dkk, 2004: 50). Wonten ing Baoesastra DJawi (1939: 248), Krama kn. : temboeng pakoermatan (ing oenggah-oengguhing basa).
Pamanggih sanesipun babagan pangertosan ragam Krama inggih menika salah satunggaling unggah-ungguh wonten basa Jawi menika. Wonten ragam Krama menika namung gadhah afiks awujud afiks Krama, tuladhanipun afiks dipun-, -ipun, kaliyan –aken (Sasangka, 2004: 104).
Ragam Krama Lugu asring kawastanan ugi ragam Madya. Tembung-tembung ingkang karonce wonten ing ukara tembung Krama saged dipuncampur kaliyan Ngoko, Madya, Krama, tuwin Krama Alus. Ingkang baku tembung-tembung ingkang rinonce ing ukara menika ingkang tumuju dhumateng tiyang ingkang dipunajak gineman dipunpendhet ragam Kramanipun lan trep kaliyan tataranipun supados saged ngaosi (Wibawa, dkk, 2004: 51). Ragam Krama Alus inggih menika unggah-ungguhing basa Jawi ingkang sadaya tembungipun ragam Krama utawi Krama Inggil. Ater-ater, seselan tuwin panambangipun inggih ngginakaken ragam Krama.

Tuladha Krama Lugu ugi Krama Alus